Ofrohet për shitje shtëpia me sipërfaqe 258m² me lokacion në eko lagjen Aspen Village, në Butovc.
Shtëpia ka orientim të përshtatshëm që u mundëson të gjitha hapësirave të brendshme të akumulojnë maksimalisht ndriçimin natyral. Shtëpia e tipit K është e strukturuar në bodrum, përdhes dhe kat me këtë organizim të brendshëm: në bodrum posedon garazh, utilit, banjo dhe dhomë teknike. Në katin përdhes ka qëndrim ditor, kuzhinë dhe tryezari, banjo dhe një dhomë gjumi. Ndërsa, në katin e parë ka tri dhoma të gjumit, njëra master me banjo dhe garderobier personal si dhe qasje në ballkon, dhe një banjo e përbashkët. Po ashtu edhe kulmi i gjelbër ku gjendet ujëmbledhësi i ujërave atmosferike dhe panelet solare.
Ky tip karakterizohet me qasje kryesore nga niveli i bodrumit dhe organizim të hapësirave të brendshme duke u fokusuar në orientimin më të mirë për ndriçim dhe ventilim natyror, komfor termik, dhe lidhje të hapësirave të ambientit të brendshëm me hapësirat e jashtme gjelbëruese, me shfrytëzim të vetëm 20% të parcelës për ndërtim, respektivisht kjo shtëpi ka truall me sipërfaqe 4.25 Ari.
Lagjja synon të sjell një koncept të ri të ndërtimit efiçientë, përmes teknologjive dhe sistemeve që do të implementohen në lagje dhe në secilën shtëpi, që përfshjijnë kulmin e gjelbër me panele solare, dritare me 5 shtresa xhami, ventilim natyror, rezervuarin për mbledhjen e ujërave të shiut, sistemin i cili filtron ujërat e ndotura, etj.
Aspen Village do të ketë edhe shumë veçori të tjera që do të ngrisin cilësinë e jetesës krahas natyrës me të cilën rrethohet kjo lagje.
