Ofrohet me qira zyra me sipërfaqe 500m², me lokacion të shkëlqyer në Taslixhe, në rrugën Nazim Gafurri.
Prona ndodhet në një zonë shumë të frekuentuar dhe lehtë të qasshme, me qarkullim dhe ekspozim të lartë ndaj qytetarëve, duke e bërë ideale për zhvillim dhe promovim të biznesit tuaj.
Zyra ka orientim të hapur nga të gjitha anët dhe ofron dritë natyrale në çdo hapësirë. E strukturuar në 11 (njëmbëdhjetë) hapësira pune dhe 5 (pesë) banjo, ajo është e mobiluar plotësisht me të gjitha pajisjet e nevojshme për përdorim të menjëhershëm. Çdo hapësirë është e pajisur me kondicioner për ftohje dhe ngrohje, duke siguruar komoditet gjatë të gjitha stinëve.
Ngrohja në ambientet e zyrës mundësohet me energji elektrike ose me naftë, sipas nevojës së qiramarrësit. Përveç kësaj, objekti ofron të gjitha kushtet e nevojshme për siguri dhe funksionalitet, duke përfshirë ashensor, shkallë emergjente, hidrant dhe një server room të dedikuar.
Zyra posedon gjithashtu hapësirë të rezervuar për parkimin e pesë veturave, duke ofruar lehtësi shtesë për stafin dhe klientët tuaj. Ky kombinim i lokacionit strategjik, infrastrukturës moderne dhe kushteve të favorshme e bën këtë pronë një mundësi ideale për çdo biznes që kërkon të rritet dhe të forcojë praninë e tij në qytet.
